Aku Nyantulak Alah, Hanyu Malahan Neraw

Naan kesah jaman aq uma bagawi survey niba jumpun mehun. .
Pas malem minggu ekat here batelu giliran jaga camp nelang sa puang bapipik ekat hapau tarpal. dami kamalem udi kuman palus nyinsi tayup.....

sadang jam 9 kamalem balalu naan eau satua ialah eau simang magin lawah riet teka camp hengau sa isa ru balalu teka wuang tayup balalu nyangkau ngalap weah,
balalu muras, nye ane galis weah cap lele pakai ne muras nyantulak satua iru pas ang tau tulak........

ahir ne minau hengau sa isa lagi teka wuang tayup palus nanterau sa tua iru : eau ne inau pi iti mun sa heey aku ngale hanyu..... hanye palus lungui kiyak tukang wuras nien eau ne uyuh aku nunyu here tulak hanyu magin nanterau hamen ngale sa tua iru......
ahir ne erang malem here puang tau mandre daya satua ru maeaw tarus dami hampe kaiyat ne ninung niba kakau pusi anengan satua malengan numa hene siwayan paikah emah uyuh here takut.

Salamat Kaiyat Ma Naun Katuluh.

Insinyur Sa Tuu Pintar Baakal

          Erang ka'ulun insinyur menganggur lumanyan lawah, hanye lawah mahi kahaba gawian, pas helang 2 wulan hanye nguka usaha klinik medis. hnye ngulah spanduk hgn muka toko ni...sa tulisan ni "Nyamare panyakit ekat 1 juta, amun puang ware maka duit mulek jari 2 juta".


          Bulu naan erang kaulun dokter sah ngira iru sebuah kesempatan himpan kahaba duit 2 juta bulu tulak hanye ma klinik iru.

Dokter: “Aku haut kawawaian indera pengecap hang wa ku.”

Insinyur: “Perawat, awat nu ngutik obat teka kotak 22, bulu ampi u'ut 3 kapetak hampi wawa dokter iru.”

(bulu perawat iru ngaraja sesuai na huyu, seketika dokter iru nantiak).

Dokter: “Ina Bensin!”

Insinyur: “Salamat! Indera pengecap nu haut ware. Biaya ni Rp. 1 juta.”

(Dokter marasa taganggu bulu mulek lagi hanye himpan ngampulek duit ni).

Dokter: “Aku haut kawawaian itungen ku, aku puan gkaitung inun inun.”

Insinyur: “Perawat, enei nu obat teka kotak 22, bulu ampi u'ut 3 kapetak hampi wawa dokter iru.”

Dokter: “Tapi iru bensin!”

Insinyur: “Selamat! Itungen nu haut mulek lagi. Biaya ni Rp. 1 juta.”

(Dokter sangit bulu mulek lagi nelang ipapura pehe).

Dokter: “Paninungan ku haut puang jelas.”

Insinyur: “Yah, aku mahi obat amun tiba iru. Iri aku ngampulek duit nu Rp. 2 juta.”

Dokter: “Tapi ina ekat Rp. 1 juta!!”

Insinyur: “Wahhh...Selamat! Paninungan nu haut mulek lagi, ina biaya ni  Rp. 1 juta!”

(Palus, Ekat suni dokter iru daya duit ni wawai 3 juta, daya bayar kawan panyakit ni)

Sekian sarita teka aku,,,semoga ina jari hiburan bagi takam katuluhh

Tukang Ojek Takut Wuah Tampar

Penah Andrau pass hang warung makan hawi erang kaulun Upu matueh kadinungan ni wau hawi teka lawit, hanye masuk wuang warung bulu nyanrite tukang ojek sa rahat ngungut kopi susuni.

"ma..mas, pe..pe..pengi..na..na..pan, sa..sa..riet, mi..mitah, a..a..awe..sah ?" eaw Upu Matueh iru, tukang ojek sah na tunti iru ekat suni ae.
Upu matueh iru nien nunti lagi, "ma.. mas..,mi..mi..mitah, a..a..awe, a..a..amun kai..ma.., pe..pe..pengina..na..pan, sa...sa..sariet?"
tukang ojek tatap suni, ekat nantau ae, daya puang han jawab, akhir ni upu iru tulak.

Tukang warung sa kadinung kejadian iru, nyanrite tukang ojek bulu nunti : "Bang.. daya inun puang na jawab nuntian upu matueh ru nien. Abang kan tukang ojek puang mungkin pakarasa hang awe penginapan?"

"A.. aku, sa..sa.. sabujurni, ka..karasa. Ku..kude A... Aku, ta..ta...takut na ta..ta... tampar,...daya..na..kira nga..nga...ngasese." jawab tukang ojek pasrah mahi kaiuh penumpang..

*hahahahahahaha*

Salamat jelang penah andrauu!!!!!

Liburan Taun Wau

Gasa: "Cie, cie, cie, Kai liburan wangun ni lah,,,? kadinungan ni lawit liburan ni hampe ngenei koper sagala, Bro,,,?"

Gareng: "Hanye nehh, aku heman ngisi waktu liburan, daripada ungut ungut hang lewu mahi ulah, Cuy,,,!"

Gasa: "Liburan die hanyu kai ma awe,,,? Aku san rancanani karuan baya kaluarga ku taun ina kai hampi Muara Teweh,,,"

Gareng: "Hanyu sah marauh, Ulun matueh nu rama duit, tau liburan ma Muare Teweh,,,! Nah aku, paling-paling hampi lewu pulah sana'i ku, Cuy,,,!"

Gasa: "Woooy barsyukur cuy,,,! kairu ae gin haut maeh, masih tau liburan hampi lewu pulak sana'i nu,,,! jampa tarung ku hampi lewu pulak sana'i nu hang awe sah hampe ngenei koper hante kairi, Bro,,,?"

Gareng: "Aku liburanni hampi lewu pulak sanai ku sa lewu ni hang ujung tumpuk yaru, Bro,,,!"

Gasa (bapaner wuang atei): "Stres hengau ku isa ina,,,! Liburan hampi lewu pulak sanai sa naan hang ujung tumpuk, salenga ngenei koper hante kairu,,,?"

Tatau Manang Buntut (Togel)

Guyau Gayau, erang kaulun sa haut terkenal hang Tamiang,  daya hanye erang kaulun pangari wadai kiping sa tiap andrau kaliling Tamiang sekak ma kawan tumpuk nyaja dagangan ni ru.

biar hanye rajin sambayang kude hanye rajin pada hawi ma unengan bandar buntut (togel). bilang saparu hasil arian kiping na pakia ni masang buntut. haut erang taun hanye masang buntut, kude hampe puang sunah hindra kaiuh hasil.

Andrau jumat kliwon, andrau sa na percaya daya ni sabagai andrau keberuntungan. pas-passan hanye kamalen ni naan nganupi. entah upi ni inun hingka malem. Sa pasti ni dami kaiyat hanye palus hawi ma unengan bandar buntut, bulu nembak epat (4) angka sakaligus.

Putut kariwe hanye tetap ma arian kiping kaliling Tamiang. pas mitah hungei Tamiang hanye panalu hengau ni.

Hengau ni iwara hampi hanye nomor sa na tembak daya ni tebus wuah 100%. Guyau Gayau masih huan harap. hanye atiay harap daya na ami kupon sa tembak ni ru. sepontan hanye nanturak nampekung daya aray tembakan ni wuah
palus tapikir daya ni.. "ehh ware sa aku ngumpe garubak ku na" bung umpe ni garubak ma hungei Tamiang, bulu tampinglah garubak ni.

Singkat Sarita...

Pas hanye hampe unengan bandar iru, bulu tunti bandar "bujur sah hanyu manang".

jawab ni "Bujur pak"

Bandar nunti lagi "Suba pire nomor na pasang nu nien".

Andri lancar Guyau manjawab, "Telu Walu Dime Isa"

"Bagus" eaw bandar. "Hanyu Ba hak narime duit sa hante Rp67.000.000 juta."

"Wuahaha...ha....jari tatau aku, aku puang lagi ngari kiping "ha...ha...ha... selamat tinggal kiping, selamat tinggal kiping," Guyau Gayau Aray tu'u.

Bulu bandar ngaluar duit teka wuang koper, bulu nunti lagi "Ina duit sa jari na ami ma hanyu, amun hanyu ngampi dinung kupon sa haut na tembak nu, awe kuponni?"

Guyau Gayau ikahar hampi katuluh kantung baju, salawar ni. tanyata mahi, wau hanye kaitung kupon ni elah ni hang laci garubak kiping ni. Garubak sa haut na tumuk ni ma wuang hungei Tamiang.

Arii, Tamat riwayatku..eaw Guyau Gayau

Salamat Kaiyatt...

Weat Ideal Suami Istri

Naan sapasang suami isteri mariksa wangun keadaan kesehatan here rueh hampi Dokter.

Bapak balabihan weat tenga. Himpan ideal, awat weat tenga bapa harus na kurangi 10 kilo." eaw dokter hampi darangan sa upu.

" Hyai. Aku mulai andrau ina diet, Dok. "

" Bulu pakai ibu, justru kurang weat. Himpan ideal, mesti-ni na tamah 200 gram lagi. "

Bulu darangan sa wawey kontan ikulik ma sa upu eaw ni :

" Nah, Pak. hanyu karengei  raerai  eaw Dokter. Die, pas mudi teka ina, terueh hampi toko amas. lepuh midi galang baya kalung sa-weat 200 gram, himpan weatku jari ideal!! "

 Salamat Andrau Sananyan...

Kisah Kisuh Niba Palangkaraya

          Tamam kesah sadi ina pengalaman awuk kami pasiar hampi Palalangkaraya, dami mitah taxsi tarie palus nawari BH kah yauni kanat-kanat aku mamikir ehhhh agini Bukit Hindu.

          Bulu mau kemana yau supir taxsi, eaw ku pada kai BI baya BF pada yau ku puang hakun talau,
Naparadu BI Barak Itak baya BF Barito Family. . .awesa bangat ta,u bahasa Uluh itah amunsa takumpul kawan Maanyan uras kajal eleh pada . .

          Bulu wulan yari naan aku niba palangka pasiar, panalu ulun teka awe eyau ku ha teka Manado yauni, Naparadu Ma'anyan Dorong ehhhh tamam kunu ku perkembangan hahayaman na,


          Bulu tunti Ku lagi inun Hentek manuwu hentek Mawiney naun na,. .ba alimu sa,hiay yau here alimu kamera 360, Nelang kami na DRS baya ST MT yaw here naparadu Drs. .Di Rumah Saja baya ST MT Supir Tosa Mu,i Tosa...

Serius ni mambaca...santay ai...

Kisah Wawey Mawiney lagi Huan Kataru

      Naan kisah erang kaulun wawey sa masih polos wau mudi teka sakulah andri uruwawa sa bingung. bulu hanye bapaner baya ineh ni.

     "Neh daya inun sah pas aku hang sakulah nien kawan upu ninung ma kapit meja unengan ku maharung, inun sah maksud here ru??" tunti anak ma ineh ni.

     "Biasa ni mun anak upu ninung ma kapit meja sa naharung wawey ru, iru tanda ni here ninung sempak na pakai daya wawey iru", eaw ineh ni ma anak ni.

     Owhh iru lah nehh, ha untung aku nien hang sakulah puang pakai sempak, bulu puang here kaiuh ninung sempak ku.

     Paulus ekat igitik (geleng kepala) ineh ni karengei anak ni bapaner iru..

Hahaha, sekian artikel teka aku, artikel ina hanya lah sekedar pakai takam kakihi sasamehh.....

Takut Wuah Dana (Denda)

      Erang kaulun Amah sa tu'u maungkir wuah tuntut anak kasayangen ni himpan mamai helikopter. awal ni amah iya iru puang satuju kude daya amah ni sayang baya anak bulu setuju amah ni ru.

Singkat sarita!!

      Sahaut hampe unengan heli ru, pilot ni bapaner," mun mamai bayar 50 ribu, amun bapaner waktu hang amau die dana 100 ribu, kude mun puang bapaner isa kawusi aku ngami  hanyu 500 ribu."

      Sahaut satuju andri perjanjian iru, heli ni mulai na sansiding daya pilot andi gaya tungkir ta waleng hang amau. sahaut hampe mendarat minau pilot salut baya amah iya sa maungkir iru eaw ni, "wah salut aku andri hanyu, salenga mahi bapaner erang kawusi ai. "

       Eaw amah iya iru kamulek, "sabujur ni aku nien kai bapaner , kude aku pahakun dana." inun sa kai na paner nu?" tunti pilot ma amah iya iru." Anak ku lawu teka heli," jawab amah iya iru...


Salamat Kariwe!!!

Eksekusi Hukuman Matey

Sarita Kisuh Tuu – Ina kisah ulun sa terpidana kai na hukuman matey daya tabukti haut membantai kawan ulun bulu na wunu.

Sahuan na timak, tukang timak ni nunti ma hanye, eaw ni inun pinaku nu sa huan aku mahukum matey hanyu.

Jawab upu iru “Awat Sanapang iri na Pindah ma arah ulun lain, Pak!”.

Hehehe...Baran ni leh postingan ku malem ina...!!!!!

Anak Iya Panai Bareken

 Ina kisah waktu sakulah SD. guru nunti ma murid silahkan cekidot!!!!

"Hiye tau ba hitung?" erang ka ulun anak bangaran hi Kucai  ngangkat tangan.

"bujur hanyu tau ba hitung?" 

Hiai bu, Amah ku sa ngajar aku.

"Heeh hiai, suba aku ninung. udi Telu, Pire?

Epat.

"Maeh. Udi enem pire?

Pitu.

"Udi suwei? 

sapuluh, jawab Kucai.

"Maeh budas. rupa ni amah nu bujur tau ngajar hanyu ba hitung

amun kairu udi sapuluh pire? tunti guru lagi.

Andri rimut nelang yakin, hi Kucai manjawab, "Jack, Queen, King, andri AS."

hanye palus rakak kihi kawan hengau lain niii...

Gkgkgkgkgkgkgkgkgkgkgkgkgkgkg.........

Hampe ina kisah takam, selanjut ni ikuti setiap postinganku hang ini..

salamat kamalem Tuhan Memberkati!!!

Wuah rasa nyuntek waktu ulangan matematika

          Ina kisah waktu aku masih sakulah hang SMK kalas 2, sakitar taun 2013.waktu iru andrau sananyan, guru metematika kami ngami ulangan hampi kami.nyalah biasa ni katuluh kawan buku harus na tampasuk ma wuang tas bulu na elah hang wuang laci.Pas pertengahan ulangan, aku haut mahanang ulu puang kaule bapikir lagi.Aku ngulik ma kawi, pas dinung ku hengau ku rahat nguka karatas contekan teka buku, eaw ku ikeneh bagi contekan iri takut wara ku hami guru die. eaw ni andrei irang pitus.

          Udi hanye luput nyontek, ami ni contekan hang salamar karatas halus, bulu garumus ni nyalah himpan medak hampi arah aku.kude hayang ni pedakan ni kurang hampe aku, ha bulu aku harus nyangkau ngutik karatas iru ijuku.

          Kude pas aku ngutik karatas iru aku masih huan kahampe.ahir ni aku lawu amput baya bangku ni. hanye udi suni kalas, seketika pas aku lawu teka bangku palus geger giruh ruangan kakihi wangun ku, pas ku lawu ru utumatis wah rasa guru metematika aku ru nyuntekk, ekat eaw ni amun nyutek ri ada hampe wuahrasa katuluh kawan hengau ni,,ngamangan tunu,,

    Ekat iru kesah sa tau na ami daya ku
Salamat kamalem ae...!!!!

Hi Andi Ngari Kaming

           Pas waktu iru ineh wat Andi sakit, eaw Andi takam hampi rumah sakit Neh! Eaw ineh ni duit tkam manipis Di ... balalu eaw Andi kamulek elah aku ngari kaming ae pakai takam ma rumah sakit...bulu eaw ineh ni .ang sa iru kaming kasayangen nu.. eaw Andi lebih sayang aku andri hnyu Nehh teka kaming iru... ha eaw ineh ni, tasarah nu mun kalahie.. ekat isa pesen ku ada hanyu  ngari amun kurang teka jutaan...eaw Andi ha tenang Nehh, maka sagar aku sa ari-ari mun haraga murah...heeh hiai eaw ineh.

# Balalu tulak hi andi ru ngari kaming ma pasar

Singkat sarita!!!

            Hawi hi Andi!! Nehh kaming takam haut widi ulun..eaw ineh ni ha bran mun kalahie..eaw Andi pass aku hang pasar nien, aku ngari kaming ru naan ulun kai midi hrga 500rb ha eaw ku puang ku ngari mun haraga kaliru..eaw ineh hanye maeh iru...ada hakun ngari mun murahh..bulu eaw ineh ni bulu kawe lagi..ha eaw ku ..nyalah pesen ineh ma aku ada ngari mun haraga kurang teka jutaan.. lawah magin lawah, ahir ni eaw ulun ru ..sa sudah pina aku midi haraga satengah juta...ha pas aku karengei kairu..arai aku,puang lawah aku bapikir..palus ari ku kaming ni..ha ulun ru palus ngalap ehh... ang sa maeh neh arian ku na...

Hanye palus samaput mandadak ineh ni karengei!!heheee

Slmat kriwe ma naun ktuluhh....