Satu Tahun Blog Tepat Hari Valentine

Anri Arai Atei, Aku wahai Ngantuh Tarima Kasih

Huat erang taun blogku sa ba alamat jonimaanyan.blogspot.co.id na ulah, aku puang menyangka sambutanni maeh tu,u. Itah yena aku ngantuh hormatku ma Itak Kakah, Ineh Tueh, Amah Tueh, Ineh Iya, Amay Iya, Busu, Tutu, Mama, Pulaksanai, Duwari, Tawari wanga sa haut ganta ma blogku sa sederhana yena, termasuk saran, tanggapan, kritik andri masukan  baik isa na tahampe langsung itah komentar hang blog per  posting, maupun itah E mailku, itah Facebook, Itah Twitter maupun na sampaikan langsung. Kehormatan bagi aku suah hamper 100 pengunjung per hari.

Blogku yena lawit teka sempurna saraba maeh, ngaranni lagi paajar. Kude aku arai mihewu tatuu daya kawan pulaksanai sa lawit teka tumpuk ngeau mambasa blogku yena ngulah kaware kasungu here ma tumpuk natat. Aku puang menyangka takam umpu kakah tersebar hang berbagai Negara, sa rasaku daya membaca blogku, naan nganak Narangan hang Amerika, Belanda, Australia,Singapore, Malaysia, Jerman,  , Swiss andri Thailand. Aku salut andri nawat tuu kaeh bauntung barajaki naun, kaeh pintar baakal naun kaiyuh bagawi tamam, welum tatau marauh hang uneng ulun isa lain budaya, lain wangun, lain hebu,lain basa andri takam hang tumpuk natat. Aku ekat wie wie lelew iwey sambil mahayal tamiyan aku kaiyuh nyalah naun.

Terima Kasih pada ma kawan naun sa tersebar hang kota kota besar jalah Jakarta, Bogor, Bekasi, Jogyakarta, Solo, Surabaya, Pontianak, Sanggau, Ketapang, Banjar Masin, Palangka Raya (pengunjung terbanyak), Sampit, Nanga Bulik, Buntok,  Kuala Kapuas, Marabahan, Samarinda, Sangatta-Bengalon (kampung Maanyan ternyata), Tarakan, Balikpapan (I Love You all), Manado, Makassar andri Lampung. Salamku ma naun katuluh sa sukses hang tumpuk ulun, mohon dukungan ni numpan takam katuluh melestarikan  budaya itak kakah datu nini takam.

Terahir ma pengunjung tumpuk natat Jaar, Tamiang Layang, Jaweten, Tampa, Ampah, Bambulung,Pasar Panas, Taniran, Bamban, tewah Pupuh, Bentot, Warukin, Tanta, Tanjung, Betang Nalong, Hayaping, Bundar, tabak Kanilan, Sababilah, Dorong, Simpang bangkuang andri kawa tumpuk lain sa aku puang ngantuh. Tabe ma naun katuluh.

Aku na puang hiye hiye, puang ulun paling pintar baakal marahati, puang ulun manuwu sampuraka, aku ulun biasa biasa saja, anak pamantat, itati jari pekerja hang tumpuk ulun (jawa Timur) ngantara pakai na kuta, ngisi belek weah andri kawan panuk kusi.

Aku laku mun kawan pulaksanai katuluh naan pengetahuan niba budaya, tumpuk natat, kuliner andri kehutanan khas Maanyan tau ngirim ma aku, pakai na ampasuk pada ma Blogku andri ngaran penulis aslini, walaupun itah tahap editing dulu

Tulisan, masukan andri saran aku ngandrei teka Itak Kakah, Tutu Mama, Ineh Amah, Pulaksanai katuluh ma aku itah

Email: jonidaridorong@gmail.com
Facebook: Joni Kunuku
Id Line: jonigx

JONI KUNUKU

GBU : Gob Bless You

Salamat Kaiyat kawan tawari wanga katuluh, haut lawah aku mahi ngeposting blog, Oke hang masa Natal ina aku kai babagi sarita ma takam katuluh.

Hang sarita ina na kisahkan erang kaulun pemilik rumah makan, nguka warung ni bulu nempel tulisan hang muka warung:”Untuk Semua Pelanggan, GBU.”

Rama karyawan andri kawan mahasiswa kuman hang iru dengan bangga ni here andri pemilik rumah makan iru, daya hanye nguka warung dengan tulisan GBU (God Bless You= Semoga Tuhan Memberkatimu)

Rasa bangga tuu hante daya kadinung pemilik warung erang kaulun berpendidikan rendah, kude tau berbahasa inggris, Tuu Kerenn..

Bulu Naan erang kaulun mahasiswa tuli tuli nunti, Bu, emang ni inun sah arti teka  GBU ru..?

Andri ramah ni, pemilik warung iru nelang maracik sambal iwara, arti ni GBU: Gak Boleh Utang…!!!

Hahaha Sekian Teka aku andrau ina, mudah mudahan in tau ngulah naun terhibur…Ikuti tarus Postingan ku hang ina, Terima Kasih

Kisah Kisuh : Menyambut Hari Kemerdekaan 17 Agustus 1945

Kisah Pertama:::

Naan rueh wawey asik lagi tanya jawab, tentang pengatahuan negara indonesia
ayu takam simak sasameh

Yuni: Hanyu karasa sah tanggal 17 agustus iru andrau inun??
Sara: Ari puang karasa aku.
Yuni: Andrau kemerdekaan bego! maka ni sakulah! bulu rasa nu sah inun singkatan teka UUD iru inun??
Sara: Parasa pada.
Yuni: Undang Undang Dasar bego! maka ni sakulah.
Sara: Owh hiay leh,,!! Ehh hiay rasa nu sah pacar wau ku..hingkariwe kami pasiar ma Mall??
Yuni: Pakarasa, hiye sah pacar wau nu..??
Sara: Aku pacaran baya pacar nu Bego,,! maka ni ada aur sakulah eleh na pikir..pacar selingkuh hampe puang karasa..

Kisah Kedua:::

Naan Kisah erang Kaulun pemuda na tutui pada saat latihan menyanyi lagu pakai 17 agustus.

Guru: "Suba Nu manyanyi lagu kemerdekaan 17 agustus"
Pemuda: "Oke Pak, Enam belas agustus tahun empat lima."
Guru: "Stop, inun kabana hanyu na hampe patau menyanyi lagu kemerdekaan takam indonesia"
Pemuda: "Maaf pak, iru nien huan luput"
Guru: "Owhh, Oke ulangi lagi sa jelas andri lagu sa wuah"
Pemuda: "Siap Pak (Lengan Mehet) Enam belas agustus tahun empat lima, besoknya hari kemerdekaan kita."
Guru ekat rarimut daya hanye atiai sadar andrau iru wau tanggal 16 Agustus.

Merdekaaaaaa!!!!!!!!

Kayu Karamat Bagi Takam Kalimantan

Kakau Taniran
Kakau Taniran sa welum hang jumpun Kalimantan, adalah erang ka kakau isa na karamatkan daya suku dayak. Daya gana iru, kakau taniran na naan kakuatan hukum ni hang wuang adat. Singkat sarita, kakau taniran iti amun hang jaman sadi sa lawit pi tum'mangan ni, kakau ina adalah ampun teka tane iru.

Udi hie hang Jaman itati, amun puang hala, aturan sa na sepakati hang wuang hukum adat, kakau taniran yena menguasai hak atas tane uneng ni minri sa lebar kawan ra'an unengan kawan rawen ni welum.

Jari, walaupun naan ulun isa baisi atawa ampun tane hang areal unengan kakau taniran iru minri kude sa huan yeru kakau taniran in'na haut lawah na palihara daya ulun lain sa puang ampun tane iru, maka aturan ni, inun pun sa hasil weluman hang kakau taniran iru (lana ni unengan wani madu itudi / muneng) adalah hak sa ampun singu-palihara teka kakau iru.

Sekian teka aku mengenai kayu takam kalimantan..

Aku Nyantulak Alah, Hanyu Malahan Neraw

Naan kesah jaman aq uma bagawi survey niba jumpun mehun. .
Pas malem minggu ekat here batelu giliran jaga camp nelang sa puang bapipik ekat hapau tarpal. dami kamalem udi kuman palus nyinsi tayup.....

sadang jam 9 kamalem balalu naan eau satua ialah eau simang magin lawah riet teka camp hengau sa isa ru balalu teka wuang tayup balalu nyangkau ngalap weah,
balalu muras, nye ane galis weah cap lele pakai ne muras nyantulak satua iru pas ang tau tulak........

ahir ne minau hengau sa isa lagi teka wuang tayup palus nanterau sa tua iru : eau ne inau pi iti mun sa heey aku ngale hanyu..... hanye palus lungui kiyak tukang wuras nien eau ne uyuh aku nunyu here tulak hanyu magin nanterau hamen ngale sa tua iru......
ahir ne erang malem here puang tau mandre daya satua ru maeaw tarus dami hampe kaiyat ne ninung niba kakau pusi anengan satua malengan numa hene siwayan paikah emah uyuh here takut.

Salamat Kaiyat Ma Naun Katuluh.

Buku Pernikahan Adat Kaharingan

          Hang wuang adat kaharingan, piaduan na antuh sah amun haut naan Buku Perkawinan sa haut na kaluar daya Panghulu Adat Kaharingan nelang na tantau daya kawan saksi

          Piaduan secara adat kaharingan memang agak balain teka adat dayak ma'anyan. aku ngalap isa suntuh hang acara piaduan adat yiru adalah amun piaduan hang adat dayak ma'anyan, hang acara turus tajak, kawan ulun sa umma manyaksi piaduan iru, nganyu pitatah pituah ma rueh kaulun isa haut na adu secara adat nelang nganyu wasi berupa duit (amun memang naan anrau anyu), sedangkan hang wuang adat kaharingan, kawan ulun sa manyaksi piaduan na laku daya panghulu nampan nganyu pitatah pituah ma pangantin nelang narui (nawut) duit ma ulun sa na laku ni.

Iru butit parbedaan antara adat maanyan anri adat dusun / kaharingan.

Hang wuang tulisan yina, nampan naun uras karasa bentuk teka isi buku yeru tau nantau ni hang ina

Lirik Syair Lagu Maanyan Ineh

Iti leut erang ka wua syair lagu bahasa ma'anyan.

Huh Hureh Ineh, Anak Nu Taati, Tu'u Kasungu Hanyu
Hi Ineh Hang Yari, Anak Nu Hang Yati, Tu'u Lawit Tane Ranu

Itung Ku Sadi, Tek Aku Tulak Metak Riu Mate Nu
Daya Hante Sinta Nu, Daya Hante Kalelu Nu, Hampi Aku Anak Nu

Reff.
Kalelu Nu Ineh, Isa Kalelu Sa Puang Paganti
Laluhu Nu Ineh, Isa Laluhu Sa Puang Pawu'i

Biar.. Anri Riu Mate Ira, Anri Ranu Amas, Puang Eleh Paganti
Biar..Anri Riu Mate Ira, Anri Ranu Amas, Puang Eleh Pawu'i

Interlude :

Itung Ku Sadi, Tek Aku Nyanit Hi Ineh Mariku
Hi Ineh Masang Pama, Hi Ineh Napen Kuman, Hi Ineh Tanuhu'i

Tanuhu'i Pasungan, Tanuhu'i Kalumpe, Hampe Marajahaji
Pakai Ngatet Anre, Pakai Nyam'mang Upi, Hang Wuang Kalelu Ni

Back to Reff.

Bagi yang ingin tau artinya dalam bahasa indonesia Klik Di Sini

Lirik lagu Ajar Aku Marayu

Hanyu harap atau puang
Aku bangat sini hanyu
Tiap andrau tiap malem
Aku utul mahayal hanyu
 
    Maharung aku ngaraerai
    Suni-suni nelang bapikir
    Kaawe paner aku ipapanai
    Himpan hakun hanyu jari pacar

Mamudai hanyu
Jari papaneran
Daya mawinei
Nelang dasar baputungan

    Kawan upu
    Pasti naan parasaan
    Pasti tu'u'tu'u
    Hamen kenalan

Kude aku paiuh patanan
Aku harus ngantara jalan
Awat ineh amah awat
Kawan hengau anyu pandapat

Ajar ku marayu himpan
Hanye... tau jari pacarku

Doa Bapa Kami Versi Maanyan

Ambah kami sa hang surga:

Hanyu Alatalla sa tungkan.

Hanyu sa nasambah nelang nahormat.

Hanyu Raja kami.

Wuah hanyu marentah hang ambau tane,

nelang kabahumennu ngalut nuu kala hang surga.

Ami ma kami hang anrau yiti kutaen sa na parlu daya kami.

Ampun kami teka kahalaen kami,

kala kami haut ngampun ulun sukat bakahalaen anri kami.

Ada maladar kami kawawaian kaparisayaan tawuk kami napurija,

kude sanepah kami teka kuasa sa jahat.

Hanyu Raja sa bakuasa nelang mulia hampe kalalawahni.

Amin.

Matius 6:9-13

Insinyur Sa Tuu Pintar Baakal

          Erang ka'ulun insinyur menganggur lumanyan lawah, hanye lawah mahi kahaba gawian, pas helang 2 wulan hanye nguka usaha klinik medis. hnye ngulah spanduk hgn muka toko ni...sa tulisan ni "Nyamare panyakit ekat 1 juta, amun puang ware maka duit mulek jari 2 juta".


          Bulu naan erang kaulun dokter sah ngira iru sebuah kesempatan himpan kahaba duit 2 juta bulu tulak hanye ma klinik iru.

Dokter: “Aku haut kawawaian indera pengecap hang wa ku.”

Insinyur: “Perawat, awat nu ngutik obat teka kotak 22, bulu ampi u'ut 3 kapetak hampi wawa dokter iru.”

(bulu perawat iru ngaraja sesuai na huyu, seketika dokter iru nantiak).

Dokter: “Ina Bensin!”

Insinyur: “Salamat! Indera pengecap nu haut ware. Biaya ni Rp. 1 juta.”

(Dokter marasa taganggu bulu mulek lagi hanye himpan ngampulek duit ni).

Dokter: “Aku haut kawawaian itungen ku, aku puan gkaitung inun inun.”

Insinyur: “Perawat, enei nu obat teka kotak 22, bulu ampi u'ut 3 kapetak hampi wawa dokter iru.”

Dokter: “Tapi iru bensin!”

Insinyur: “Selamat! Itungen nu haut mulek lagi. Biaya ni Rp. 1 juta.”

(Dokter sangit bulu mulek lagi nelang ipapura pehe).

Dokter: “Paninungan ku haut puang jelas.”

Insinyur: “Yah, aku mahi obat amun tiba iru. Iri aku ngampulek duit nu Rp. 2 juta.”

Dokter: “Tapi ina ekat Rp. 1 juta!!”

Insinyur: “Wahhh...Selamat! Paninungan nu haut mulek lagi, ina biaya ni  Rp. 1 juta!”

(Palus, Ekat suni dokter iru daya duit ni wawai 3 juta, daya bayar kawan panyakit ni)

Sekian sarita teka aku,,,semoga ina jari hiburan bagi takam katuluhh

Tukang Ojek Takut Wuah Tampar

Penah Andrau pass hang warung makan hawi erang kaulun Upu matueh kadinungan ni wau hawi teka lawit, hanye masuk wuang warung bulu nyanrite tukang ojek sa rahat ngungut kopi susuni.

"ma..mas, pe..pe..pengi..na..na..pan, sa..sa..riet, mi..mitah, a..a..awe..sah ?" eaw Upu Matueh iru, tukang ojek sah na tunti iru ekat suni ae.
Upu matueh iru nien nunti lagi, "ma.. mas..,mi..mi..mitah, a..a..awe, a..a..amun kai..ma.., pe..pe..pengina..na..pan, sa...sa..sariet?"
tukang ojek tatap suni, ekat nantau ae, daya puang han jawab, akhir ni upu iru tulak.

Tukang warung sa kadinung kejadian iru, nyanrite tukang ojek bulu nunti : "Bang.. daya inun puang na jawab nuntian upu matueh ru nien. Abang kan tukang ojek puang mungkin pakarasa hang awe penginapan?"

"A.. aku, sa..sa.. sabujurni, ka..karasa. Ku..kude A... Aku, ta..ta...takut na ta..ta... tampar,...daya..na..kira nga..nga...ngasese." jawab tukang ojek pasrah mahi kaiuh penumpang..

*hahahahahahaha*

Salamat jelang penah andrauu!!!!!

Liburan Taun Wau

Gasa: "Cie, cie, cie, Kai liburan wangun ni lah,,,? kadinungan ni lawit liburan ni hampe ngenei koper sagala, Bro,,,?"

Gareng: "Hanye nehh, aku heman ngisi waktu liburan, daripada ungut ungut hang lewu mahi ulah, Cuy,,,!"

Gasa: "Liburan die hanyu kai ma awe,,,? Aku san rancanani karuan baya kaluarga ku taun ina kai hampi Muara Teweh,,,"

Gareng: "Hanyu sah marauh, Ulun matueh nu rama duit, tau liburan ma Muare Teweh,,,! Nah aku, paling-paling hampi lewu pulah sana'i ku, Cuy,,,!"

Gasa: "Woooy barsyukur cuy,,,! kairu ae gin haut maeh, masih tau liburan hampi lewu pulak sana'i nu,,,! jampa tarung ku hampi lewu pulak sana'i nu hang awe sah hampe ngenei koper hante kairi, Bro,,,?"

Gareng: "Aku liburanni hampi lewu pulak sanai ku sa lewu ni hang ujung tumpuk yaru, Bro,,,!"

Gasa (bapaner wuang atei): "Stres hengau ku isa ina,,,! Liburan hampi lewu pulak sanai sa naan hang ujung tumpuk, salenga ngenei koper hante kairu,,,?"

Tatau Manang Buntut (Togel)

Guyau Gayau, erang kaulun sa haut terkenal hang Tamiang,  daya hanye erang kaulun pangari wadai kiping sa tiap andrau kaliling Tamiang sekak ma kawan tumpuk nyaja dagangan ni ru.

biar hanye rajin sambayang kude hanye rajin pada hawi ma unengan bandar buntut (togel). bilang saparu hasil arian kiping na pakia ni masang buntut. haut erang taun hanye masang buntut, kude hampe puang sunah hindra kaiuh hasil.

Andrau jumat kliwon, andrau sa na percaya daya ni sabagai andrau keberuntungan. pas-passan hanye kamalen ni naan nganupi. entah upi ni inun hingka malem. Sa pasti ni dami kaiyat hanye palus hawi ma unengan bandar buntut, bulu nembak epat (4) angka sakaligus.

Putut kariwe hanye tetap ma arian kiping kaliling Tamiang. pas mitah hungei Tamiang hanye panalu hengau ni.

Hengau ni iwara hampi hanye nomor sa na tembak daya ni tebus wuah 100%. Guyau Gayau masih huan harap. hanye atiay harap daya na ami kupon sa tembak ni ru. sepontan hanye nanturak nampekung daya aray tembakan ni wuah
palus tapikir daya ni.. "ehh ware sa aku ngumpe garubak ku na" bung umpe ni garubak ma hungei Tamiang, bulu tampinglah garubak ni.

Singkat Sarita...

Pas hanye hampe unengan bandar iru, bulu tunti bandar "bujur sah hanyu manang".

jawab ni "Bujur pak"

Bandar nunti lagi "Suba pire nomor na pasang nu nien".

Andri lancar Guyau manjawab, "Telu Walu Dime Isa"

"Bagus" eaw bandar. "Hanyu Ba hak narime duit sa hante Rp67.000.000 juta."

"Wuahaha...ha....jari tatau aku, aku puang lagi ngari kiping "ha...ha...ha... selamat tinggal kiping, selamat tinggal kiping," Guyau Gayau Aray tu'u.

Bulu bandar ngaluar duit teka wuang koper, bulu nunti lagi "Ina duit sa jari na ami ma hanyu, amun hanyu ngampi dinung kupon sa haut na tembak nu, awe kuponni?"

Guyau Gayau ikahar hampi katuluh kantung baju, salawar ni. tanyata mahi, wau hanye kaitung kupon ni elah ni hang laci garubak kiping ni. Garubak sa haut na tumuk ni ma wuang hungei Tamiang.

Arii, Tamat riwayatku..eaw Guyau Gayau

Salamat Kaiyatt...

Weat Ideal Suami Istri

Naan sapasang suami isteri mariksa wangun keadaan kesehatan here rueh hampi Dokter.

Bapak balabihan weat tenga. Himpan ideal, awat weat tenga bapa harus na kurangi 10 kilo." eaw dokter hampi darangan sa upu.

" Hyai. Aku mulai andrau ina diet, Dok. "

" Bulu pakai ibu, justru kurang weat. Himpan ideal, mesti-ni na tamah 200 gram lagi. "

Bulu darangan sa wawey kontan ikulik ma sa upu eaw ni :

" Nah, Pak. hanyu karengei  raerai  eaw Dokter. Die, pas mudi teka ina, terueh hampi toko amas. lepuh midi galang baya kalung sa-weat 200 gram, himpan weatku jari ideal!! "

 Salamat Andrau Sananyan...

6 Tips Aman Teka Begal Motor

DAYA GAHA KEJADIAN BEGAL MOTOL HANG SETIAP PERJALANAN. hang ini aku ngami 6 Tips himpan aman teka begal motor
berikut tips ni.

1. Pakai helm berstandar SNI sa tahan wuah pupuk
2. Pakai Jaket
3. Pakai Sapatu
4. Ada puang kaitung pakai pa nutup wawa
5. Pakai pengaman hiku, minimal nyalah kawan ulun club motor "biasa ni begal bapikir rueh kali amun kadinung tulat iri-iri nyalah preman" amun katuluh ni hang sukup langkap terakhir. 
6. Asuk ma wuang taksi, di jamin aman teka begal.

Sukup iru tips teka aku amun naun sini aman teka begal.

Kisah Kisuh Niba Palangkaraya

          Tamam kesah sadi ina pengalaman awuk kami pasiar hampi Palalangkaraya, dami mitah taxsi tarie palus nawari BH kah yauni kanat-kanat aku mamikir ehhhh agini Bukit Hindu.

          Bulu mau kemana yau supir taxsi, eaw ku pada kai BI baya BF pada yau ku puang hakun talau,
Naparadu BI Barak Itak baya BF Barito Family. . .awesa bangat ta,u bahasa Uluh itah amunsa takumpul kawan Maanyan uras kajal eleh pada . .

          Bulu wulan yari naan aku niba palangka pasiar, panalu ulun teka awe eyau ku ha teka Manado yauni, Naparadu Ma'anyan Dorong ehhhh tamam kunu ku perkembangan hahayaman na,


          Bulu tunti Ku lagi inun Hentek manuwu hentek Mawiney naun na,. .ba alimu sa,hiay yau here alimu kamera 360, Nelang kami na DRS baya ST MT yaw here naparadu Drs. .Di Rumah Saja baya ST MT Supir Tosa Mu,i Tosa...

Serius ni mambaca...santay ai...

Chord Lagu - Aku Hamen Sinta Yesus Salawah-Ni

Intro: C G Am F C  G

              C                G                  Am
Aku hamen Sinta Yesus Salawahni

               F               C                G
Aku hamen Sinta Yesus Salawahni

           F              G         Em                Am
Meskipun badai silih baganti wuang welumku

             C               G                C
Aku tatap Sinta Yesus Salawahni


Reff:

         C     G       Am           Em  
Ya Amah, Amah, Ina Aku anak-Nu

            F           C           G
Layakkanleh katuluh welumku

            C      G       Am         Em
Ya Amah, Amah, Ina Aku anak-Nu

             F                  G                     C
Pakaileh sasuai andri rancana-Nu

Lagu Rohani Bahasa Maanyan

Negei Salib Ni

Ineh..u...Amah, An'ni-Tata, Tutu-Mama
Sasameh Takam Negei Salib Ni

Usah Adingan, Pamelum Takam Tuhan Nyindrah
Daya Lelu Ahi Ni..Palajur...

Reff:
Oooh...Pajalur..Palajur ooo... Puang Suah Nanan Takam Raerai
Itung Pesen Yesus Hang Wuang Alkitab, "Mitah Aku Wa'u Hampe Allahtala"

Souvenir Dayak Maanyan

Souvenir Dayak Maanyan

Oleh-Oleh Khas Kalimantan
Patung miniatur perahu dayak merupakan Souvenir khas Kalimantan, yang terbuat dari bahan Kayu alami.

Getah Nyatu

Souvenir ini memiliki harga yang bervariasi dari harga Rp. 100.000 sampai harga yang mahal pun dengan kualitas yang lebih bagus lagi. Ada pun Harga Rp. 600.000

Baju Dayak Maanyan 

Pemesanan Bebas, Tidak ada Minimum Pemesanan, Berapa pun kami siap melayani.

Dan Masih banyak lagi oleh2 khas kalimantan lain nya


Untuk Info Pemesanan :
Sms/Telpon HP. 085249712120
Invite PIN BB : D48388E3

Pusat Oleh-Oleh Kalimantan : Sinta Rariang - Tamiang Layang
Alamat : Jln, A. Yani RT.1 No. 23 Tamiang Layang
Tamiang Layang - Kalimantan Tengah - Indonesia.

Sinta Rariang - BaruhPinang

Terima kasih Atas Partisipasinya!!!!!

Kata-kata Bahasa Dayak Maanyan

Tubuh= Tenga
Manusia=Murunsia
Rambut=Wulu
Kepala=Ulu
Muka=Uru wawa
Mulut:wawa:suaw
Dahi=Ra’i
Otak=Utek
Kulit=Kudit/Upak
Kening=Kaning
Mata=Mate
Hidung=Urung
Bibir=Wiwi
Gigi=Dipen
Gusi=Lalingirin
Lidah=Lela
Ludah=Iwey/Rura
Dagu=Ra’ang
Pipi=Pahu